睇呢套动画都有一排，都几中意啲新版本嘅角色。
有日行商场嘅时候俾我发现到TMNT嘅公仔，即刻就买咗最中意嘅角色，Leonardo。
其它嘅仲有佢哋啲交通工具，基地，同埋Sound FX版figure，掹佢哋啲手手脚脚会有声出嚟添。
价钱唔高，值得玩。有机会返去商场再买埋其它嘅角色。
但係要一提嘅就係，除咗啲忍者龟，Yoshi师傅，Kraang机器人同脚板兵之外，其余figure一概都唔掂。
特别要讲嘅係April O'neal，完全唔似，简直係毁容！破坏咗我童年嘅女神呀~~~！！（到底係边个雕刻师嘅杰作！？）
睇盒内嘅纸仔介绍中仲有其它角色未出，’铁头‘，’鱼样‘仲有’狗捶‘。等埋铁头出就会入埋佢，嘿嘿。
比例都唔错，关节都有十一处。
中意佢係因为有孖刀。
有日行商场嘅时候俾我发现到TMNT嘅公仔，即刻就买咗最中意嘅角色，Leonardo。
其它嘅仲有佢哋啲交通工具，基地，同埋Sound FX版figure，掹佢哋啲手手脚脚会有声出嚟添。
价钱唔高，值得玩。有机会返去商场再买埋其它嘅角色。
但係要一提嘅就係，除咗啲忍者龟，Yoshi师傅，Kraang机器人同脚板兵之外，其余figure一概都唔掂。
特别要讲嘅係April O'neal，完全唔似，简直係毁容！破坏咗我童年嘅女神呀~~~！！（到底係边个雕刻师嘅杰作！？）
睇盒内嘅纸仔介绍中仲有其它角色未出，’铁头‘，’鱼样‘仲有’狗捶‘。等埋铁头出就会入埋佢，嘿嘿。
比例都唔错，关节都有十一处。
中意佢係因为有孖刀。
两把刀好似无力咁。
第三把刀。（唔通係Karai嘅！？）
苦无三把。
手里剑两隻。
仲有一枝“唔知乜嘢”，暗杀刀仔？（唔记得动画里边有无出现过...）
稳定性几好，因为有大脚板，哈哈。
武器一览。
同88年版比较，明显新版高啲。（我净得Raphael一个）（新版个个都唔同高度，Raph係第二矮）
我嘅88年Raph已经積嗮尘，整干净后先影嘅，哈哈哈。
