Robot Spirit Code Geass ShenFu 神虎.

第一次見到呢個KMF嘅時候，覺得佢好奇怪，成個花面貓咁。耐下耐下，就覺得都幾有型。
睇完Code Geass之後，覺得呢個角色非同凡響，但係佢就無乜戯份，好可惜。
呢盒神虎得手之後，開盒睇，佢嘅顔色好靚，零件都幾多。

正面，髆頭位露出鉄，破壞咗少少美感。

背面，呢架機下半身有呈三角嘅形狀，會定開少少位，無係幾方便擺姿勢。

駕駛倉，内有螺絲夾位，美中不足。

Land Spinner，好似溜冰鞋。

天子，我嚟救你啦！

旋轉盾同Slash Harken Dart。

劇内數一數二嘅武器，霸王炮。

下一期，Gawain！

神虎有兩樣嘢令我唔滿意嘅就係，肩甲，臀部甲。
肩甲極之容易甩，掂到少少都會甩，攝影嘅時候好麻煩。
臀部甲活動位太少，令到好多有型嘅姿勢擺唔到。
而家睇番嚟，神虎好有京劇feel，彩色嘅面譜，背後嘅叉翼，臀部似裙嘅甲，十足十個京劇花旦咁。