最近先睇完Code Geass同Code Geass R2，跟住就對佢發熱，想儲翻啲Code Geass產品，可謂係遲來的春天。
首先尋找咗好多地方，包括購網，易悲之類，都好難搵到低价嘅Code Geass玩具，悲...
有日行街，就嚮一間玩具店搵到呢只K版蜃氣樓。 無蘿蔔版，就用K版頂住檔先啦。
Ka版極之有型，有肌肉感。
背部機倉有啲似龜殼，呵呵。
手部Hardron Cannon可開。
拡散構造相転移砲。（唔係好明解？）
魯路修. 不列顛尼亞，神聖不列顛尼亞王國第九十九代皇帝。
一直都唔係好鐘意Composite/FIX系列嘅產品，感覺上好多關節都好鬆。
潛水艇形態都要費點時間去整理，俾我想象中費時。
組成絕對領域之後（如相中），仲有好多粉紅色零件剩低，哈哈，幾好。
其實，呢次係第一次用光箱嚟影相，得到好好嘅效果。
嗰箱係自制嘅，外邊無得買，嘿嘿。
